Йошкар-Олаште карт дене кудалышташ у вер лиеш
Тений идалык мучаш марте Йошкар-Олаште картинг дене кылым кучаш площадке лийшаш. Йошкар-Ола администарцийыште Воскресенский парк воктелсе кундемым кучылташ разрешенийым пуымо. Тушто асфальтым шарат, саварым шогалтат, картым прокатлан пуымо вер лийшаш. Тыге скоростьым йӧратыше- влаклан сай йӧн лиеш. 14 ияш марте йоча- влаклан оксам тӱлыде тунемаш йӧн ышталтеш. Вара нуно картинг дене республикысе спорт командын негызше лийшаш улыт. Игече сай лиеш гын, У ий пайремлан площадке пелен ёлкым шогалтат, катокым ыштат. А Воскресенский паркыште ече корным пыштат.
