Антон Трудинов рӱдӧ ола гыч 16 ияш Дима Стрельниковын шонымашыжым шуктен да Денис Мацуев дене вашлиймашым ыштен
Йошкар-Ола мэрын пашажым жаплан шуктышо Антон Трудинов рӱдӧ ола гыч 16 ияш Дима Стрельниковын шонымашыжым шуктен да Денис Мацуев дене вашлиймашым ыштен. Тиде шонымашым возыман шарым Антон Трудинов «Шонымашым шуктышо кож» гыч налын. Кожым ола администрацийыште вераҥдыме улмаш. Рвезе пианист, Российын калык артистше Денис Мацуев дене вашлийын мутланаш да сценыште устан шоктымыжым ужаш шонымыжо нерген возен. А Дима шкеже музыкант улеш, фортепиано дене шокта, тӱрлӧ усталык конкурс ден фестивальлан лауреатышт улеш. Самырык еҥлан да аважлан Москош каяш йӧным ыштеныт. Тушто тудо кумирже дене вашлийын да концертышкыже миен,- увертара Йошкар-Олан мэрийже.
Фото: Йошкар-Ола мэрий.
Фото: Йошкар-Ола мэрий.
