Арнясе спорт таҥасымаш-влак

Арнясе спорт таҥасымаш-влак
           Тиде арнян республикыштына 2-шо гыч 6-шо сентябрь марте футбол, конкурс, шахмат дене да шуко моло таҥасымаш лиеш,- увертара спорт министерстве. Футбол дене Юл кундем федерал округын Первенствыже «Дружба» стадионышто 5-ше сентябрьын 12 шагатлан тӱҥалеш Мини-футбол дене Марий Элын Чемпионатше «Марий Эл Арена» куштылго атлетике манежыште 3-шо сентябрьын 19 шагатлан, 6-шо сентябрьын 10 шагатлан лиеш. 4-ше сентябрьыште 10 шагатлан «Дружба» стадионышто икмыняр мероприятий эрта; 6 да 6, 3 да 3, 4 да 4 йоча кудывече футболын россий кӱкшытан фестивальжын регионысо йыжыҥже лиеш. Тиде кечынак 10 шагатлан Корта базыште куштылго атлетике кросс дене «Динамо» обществын республикысе таҥасымашыже эрта, Медведево ипподромышто конкур дене Йошкар-Олан кубокшо 4-ше, 5-ше, 6-шо сентябрьыште 15, 9 да 9 шагатлан тӱҥалеш.
             5-ше сентябрьыште 9 шагатат 30 минутлан Чарла кермльыште шахмат дене оласе таҥасымаш тӱналеш. Тиде кечынак Звениговышто куштылго атлетике кросс-гандикап, Советский Кукмарийыште колым кучымаш, Советский посёлкышто кеҥежымсе ялысе спорт модмашын регионысо йыжыҥже, Медведево Имэҥерыште автомобиль спорт дене Марий Элын Чемпионат ден первенствыже 5-ше да 6-шо сентябрьыште, тыгак кок кече «Дружба» стадионышто футбол дене Марий Элын чемпионатше, 5-ше сентябрьыште Волжскышто «Марбумарена» стадионышто футбол дене Марий Элын чемпионатше лийыт.
             6-шо сентябрьыште 11 шагатлан Йошкар-Оласе  Сеҥымаш паркыште «Воркаут- тургымым петырымаш» Юж да вий атлетике дене Йошкар-Олан кубокшо эрта. Таҥасымаш- влак кумыл почеш кажне еҥлан ситыше лийыт.
               Фото: Архив.

Прошлые выпуски