Артекыш каеныт

Артекыш каеныт
Йошкар-Ола гыч 8 тунемше Артекыш «Большая перемена» конкурсыш каен.Нуно Бауман лицей, экономико-правовой гимназий, 6-шо номеран школ да «Инфотех» лицей гыч улыт. Тӱнямбал йоча рӱдерыште конкурсын пытартыш этапше 20-шо октябрь гыч 9-ше ноябрь марте эрташ тӱҥалеш. Республикысе туныктымаш да шанче министерствын увертарымыже почеш, тушто сеҥышыш лекше-влакым тӱрлӧ кугытан окса премий дене палемдат. 10-шо классыште тунемше-влаклан умбаке тунемашышт 1 миллион теҥгем пуат. 8-ше да 9-ше класслаште тунемше-влакым тыгак тунеммашке виктараш 200 тӱжем теҥге дене суапландарат.

Прошлые выпуски