«Бауман» лицейыште сымыктышын «Кидын шӱм шокшыжо» 9-ше инклюзив фестивальже эртен
Кодшо кечылаште «Бауман» лицейыште йӱлаш пурышо Регион- влак кокласе кӱкшытан «Кидын шӱм шокшыжо» сымыктышын 9-ше инклюзив фестивальже эртен. Тудо Российысе калык- влакын келшымашыштылан пӧлеклалтын. Фестивальын темыже: «Йолташ- влак, киднам пырля кучена!». Тудым «Бауман» лицейын «Лира» йоча сымыктыш школжо ден Начар тазалыкан йоча- влакым дистанций гыч туныктымо рӱдерже ямдыленыт. Тушко индеш номинаций дене 285 йодмашым пуымо ыле. Фестивальыш инклюзив коллектив- влак Чуваший, Шернур, Марий Турек, Медведево, Советский, Юрино районла, Савино, Семёновка школ- интернатла гыч толыныт, Заочно Санкт-Петербург, Козьмодемьянск, Альметьевск гыч участвоватленыт. Сеҥыше- влакым кубок, медаль да диплом дене палемденыт.
Фото: туныктыш министерстве.
Фото: туныктыш министерстве.
