Марий Элым вуйлатыше Российын ял озанлык министерствыжым вуйлатыше дене республикын агропромышленный комплексшым вияҥдыме йодышым каҥашеныт

Марий Элым вуйлатыше Российын ял озанлык министерствыжым вуйлатыше дене республикын агропромышленный комплексшым вияҥдыме йодышым каҥашеныт
           Марий Элым вуйлатыше Российын ял озанлык министерствыжым вуйлатыше дене республикын агропромышленный комплексшым вияҥдыме йодышым каҥашеныт. Российын ял озанлык министрже Дмитрий Патрушев паша дене Марий Элыш толын ыле. Кечывал деч ончыч тудын дене Марий Элым вуйлатыше Юрий Зайцев вашлийын. Ял озанлыкыште шумо сеҥымашым, ончыкыжым кугыжанышын полшымыжо дене вияҥме планым каҥашеныт. Министр палемден: ончыгоч аклыме почеш, кодшо ийын республикын ял озанлыкше сай вашалтышым ончыктен. Ял озанлык производствын индексше 105 утла процентым ончыктен. Республикын агропромышленный комплексшын ончыкыжым ӱшанлын вияҥаш чыла ресурсыжат уло. Тидлан кугыжаныш полышат йӧным ышташ тӱналеш. Тений тудым регионлан эше 37 миллион теҥгелан кугемдыме. Кодшо ийын индивидуал программе дене пырля 730 миллион теҥгем палемдыме ыле. Тудым тӱрысынек кучылтмо. Тенийлан 767 миллион марте кугемдыме. Оксам намиен шуктымаш элысе дене таҥастарымаште тендан кӱкшырак. Ида иземде. Тидымат ешарем: аграрий- влакын кучылтмо оксаштым авансироватлаш йӧным палемденна. Тидыже шошо ага пашалан ямдылалтме годым пеш кӱлешан. Ӱдымӧ тургым тендан дене майыште тӱҥалеш. Чыла радам дене лийшаш, ресурсда ситышын,- каласен Дмитрий Патрушев. Республикым вуйлатыше Россий министрлан тауштен да тидым рашемден: 2022-шо ийыште ял озанлык продукцийым 59 миллиард теҥгелан лукмо. Республике шкаланже шылым 426 процентлан, шӧрым 107, муным 135, пареҥгым 136, саскам 139 процентлан ситара.
             Фото: Марий Элым вуйлатышын  администрацийжын увер дене пашам ыштыше пӧлкаже.

Прошлые выпуски