Республикыштына пудий пижме икымше еҥ- влак рашемыныт
Республикыштына пудий пижме икымше еҥ- влак рашемыныт. Пудий- влак лум шулымеке вигак тарванат, май мучаш-июнь тӱҥалтышыште чот осалланат да октябрь марте ваҥен коштыт. Луымшо апрельлан шотлымаште кум еҥлан- кок кугыеҥлан да ик йочалан Волжский ден Килемар районлаште тиде копшаҥге пижын. Пудий- влакым лабораторийлаште тергыме, черыштым рашемдыме огыл. Роспотребнадзор виктем арня еда медицине организацийлаште копшаҥге ваштареш вакцинын ситымыжым терген шога. Тиде жаплан 613 еҥ прививкым эртен. Пудийым тергыме лабораторий Гигиена да эпидемиологий рӱдерыште пашам ышта. Адресше: Машиностроитель урем, 121-ше пӧрт. Полышын акше 650 теҥге. Телефонжо: 73 06 72.
