Йошкар-Ола гыч ансамбль «Мосты над Невой» тӱнямбал конкурсын лауреатше лийын

Йошкар-Ола гыч ансамбль «Мосты над Невой» тӱнямбал конкурсын лауреатше лийын
          Йошкар-Ола гыч ансамбль «Мосты над Невой» тӱнямбал конкурсын лауреатше лийын. Санкт-Петербургысо «Балтийский дом» Кугыжаныш театр-фестивальыште хореографий сымыктышын йӱлаш савырныше «Нева ӱмбалне кӱвар- влак» Тӱнямбал конкурсшо эртен. Тушко Йошкар-Оласе Комплексный рӱдер пелен ыштыше «Вдохновение» куштышо усталык коллектив миен. Ансамбль 60 ияш да кугурак- влаклан «Чолган ӱмырым шуйымаш» социал проект кышкарыште пашам ышта. Фестивальыш тӱрлӧ кундем да йот элла гычат 700 наре участник погынен. Конкурсын лектышыже почеш «Вдохновение» ансамбль «Калык куштымаш» номинацийыште кокымшо верым налын, «Бальный куштымаш ансамбль- влак» номинацийыште кумшо стпененян лауреат, «Бальный куштымаш» дуэт номинацийыште кумшо стпенян лауреат лӱмым сеҥен налын, - увертара паша да социал аралтыш министерстве.
Фото: Паша да социал аралтыш министерстве.

Прошлые выпуски