Юрий Зайцев Советский район администрацийым вуйлатыше Антон Трудинов дене пашаче вашлиймашым эртарен
Марий Элым вуйлатыше Юрий Зайцев Советский район администрацийым вуйлатыше Антон Трудинов дене пашаче вашлиймашым эртарен. Марий Элым вуйлатыше Антон Трудиновым должностьыш шогалме дене саламлен да палемден: кызыт муниципал образований- влак ончылно лӱмын эртарыме сар операцийыште улшо военнослужащий- влакым поддержатлыме, калыкле проект да федерал программе- влакым шыҥдарыме шотышто кугу задаче- влак шогат. Трудинов мылам Советский район сайын палыме манын. Юрий Зайцев деч Юбилейный- Шуарсола- Кугу Руясола автомобиль корным олмыктымо пашам 2024-ше ий гыч тенийсе ийыш кусараш йодын. Верысе калык деч тидын шотышто шуко вуйшиймаш пура, манын. Корно Кужмарий ял илемысе ныл ялым ушен шога да путырак начар улеш. Адакшым школ маршрутлан шотлалтеш. Администрацийым вуйлатыше тыгак Михайловка ялыште пожар постым ышташ полшаш, личный составан спецтехникым ойыраш йодын. Ялыште социал объект- влак верланеныт- школ, йоча сад, тӱвыра пӧрт, врач амбулаторий. Тыгак «Семёновский», «Шойбулак» племзаводлан ял озанлык предприятийышт пашам ыштат. Юрий Зайцев палемден: социал кӱлешан йодыш- влак тӱткыш деч посна кодшаш огытыл. Йоҥгышо йодыш- влак пайдалын виктаралтшаш улыт, полшаш ямде улам,- каласен Юрий Зайцев.
Фото: Марий Элым вуйлатышын администрацийжын увер дене пашам ыштыше пӧлкаже.
Фото: Марий Элым вуйлатышын администрацийжын увер дене пашам ыштыше пӧлкаже.
