Челябинскыште Руш экономик форум тӱҥалын
Юрий Зайцев Шанхай вашкыл организацийышке пурышо эл- влаклан дене вашкылым вияҥдыме ончыкылык да сеҥымаш- влак нерген каласкален. Челябинскыште Руш экономик форум тӱҥалын. Тудын ик тӱҥ мероприятийже семын регионлам вуйлатыше- влак форумын калыкле ужашыжын заседанийже лийын. Тушто Марий Элым вуйлатыше Юрий Зайцев участвоватлен. Заседанийыште промышленность, ял озанлык, логистике, туризм сферыште вашкылым вияҥдыме йӧным каҥашыме, транспорт да логистике корно дене кылдалтше йодыш- влакым, калык дипломатийым ончымо. Форумын участникше- влакым Челябинск областьын губернаторжо Алексей Текслер саламлен. Тудо палемден: калыкле ужашын заседанийже кумшо гана эрта да тудо йӱлаш савырнен. Юрий Зайцев докладыштыже палемден: Марий Эл ден ШОС-ыш пурышо кугыжанышла коклаште тӱрлӧ корно дене вашкыл вияҥеш. Кызыт Марий Эл торгово- экономик кылым КНР дене ӱшанлын кумдаҥда. Кодшо ийын гына внешне торгвый оборот 66 миллиард доллар лийын. Тӱвыра аланыштат вашкыл вияҥеш. Мутлан тений кеҥежым Эрик Сапаев лӱмеш опера да балет театр Китай Калык республикыште гастрольым эртарен.
Фото: Марий Элым вуйлатышын администрацийжын увер дене пашам ыштыше пӧлкаже.
Фото: Марий Элым вуйлатышын администрацийжын увер дене пашам ыштыше пӧлкаже.
