Декабрьыште Йошкар-Олан генеральный планжым вашталтыме шотышто тӱшка каҥашымаш эртышаш
Декабрьыште Йошкар-Олан генеральный планжым вашталтыме шотышто тӱшка каҥашымаш эртышаш. Тудо 4-ше гыч 25-ше декабрь марте лиеш. Тиде решенийым рӱдӧ оласе Депутат- влак погынымаш ола мэрын пашажым шуктышо Антон Трудиновын обращенийже почеш пеҥгыдемден. Материал- влак 4-ше гыч 16-шо декабрь марте Депутат- влак погынымашын сайтыштыже вераҥдыме лийыт. Проект дене тыгак Семёновкышто, Даниловышто, Савиныште, Нолькышто, Апшакбелякыште, Шоя-Кузнецовышто, Игнатьевыште, Якимовышто, Кельмаковышто да Акшубиныште стендлаште палыме лияш лиеш. Каҥашымашке кажне кумылан еҥ ушнен кертеш. Палемдыме: «Теплая речка» районым рекреаций гыч лукташ, Апшак-Белякыште шуко пачеран пӧртлам чоҥымо кумдыкым иземдаш, Гайдар урем деч йӱдвелкырак зоно- влакым вашталташ, 9-ше микрорайонышто южо ужар зоным кораҥдаш, туштак пӱя кумдыкын верланымыжым вашталташ темлалтеш.
Фото: Йошкар-Ола мэрий.
Фото: Йошкар-Ола мэрий.
