Шушаш ийын Марий Элыште бокс дене тӱнямбал турнир лиеш

Шушаш ийын Марий Элыште бокс дене тӱнямбал турнир лиеш
                Шушаш ийын Марий Элыште бокс дене тӱнямбал турнир лиеш. 2025-ше ийын февральыште «Марий Эл» Ий полатыште кугу таҥасымаш эрта. Тудын кышкарыште Российын да тӱрлӧ йот эллан боксёрышт ныл профессионал кучедалмашым эртарат. Тыгак программыште Юл кундем федерал округын сборный командышкыже пурышо спортсмен- влак дене Марий Элын боксёржо- влак ончылгоч модмашым эртарат. Марий Элым вуйлатыше тӱнямбал турнирым ямдылыме да эртарыме шотышто организационный комитеын заседанийжым эртарен. Тудо палемден: Республикын правительствыже Марий Элысе калыкым таза илыш йӱла деке шӱмаҥдаш манын кугу пашам шукта. Республике спортивный улеш. Мемнан дене тӱжем наре тӱрлӧ кӱкшытан таҥасымаш эртаралтеш. Сандене мыланна тыгай кугу таҥасымашым эртарымаш кӱлешан улеш. «Рен-ТВ» телеканалын спорт вещаний шотышто генеральный директоржын советникше Владимир Хрюнов каласен: таҥасымашым «Бойцовский клуб» проект кышкарыште федерал канал дене ончыкташ палемдыме. Тиддеч посна республикысе муниципал образованийлан кинозаллаштышт кучедалмашым онлайн-ончыкташ тӱҥалыт. Владимир Хрюнов турнирлан сайын ямдылалтмашым палемден да Республикым вуйлатышылан таум каласен. 22-шо ноябрьлан мероприятийлан план-графикышт ямде лиеш.
             Фото: Марий Элым вуйлатышын  администрацийжын увер дене пашам ыштыше пӧлкаже.

Прошлые выпуски