Юрий Зайцев ял озанлык да перерабатыватлыше предприятий пашаеҥ- влаклан наградым кучыктен

Юрий Зайцев ял озанлык да перерабатыватлыше предприятий  пашаеҥ- влаклан наградым кучыктен
                Юрий Зайцев ял озанлык да перерабатыватлыше предприятий  пашаеҥ- влаклан наградым кучыктен. Пытартыш ийлаште ял озанлык сай вашталтмашым ончыкта. Тенийсе 9 тылзыште ял озанлык шке продукцийжым 50 миллиард теҥгелан луктын. Аграрий- влак производство кугытым ешарен толыт, элнан кочкыш сату шотышто лӱдыкшыдымылыкшым ыштымашке шке надырыштым пыштат. Талукын лектышыже почеш аграрный секторын продукцийым лукмо кугытшо 60 миллиард теҥгеш шушаш манын шонат. Правительстве пӧртыштӧ Ял озанлык да перерабатыватлыше промышленность пашаеҥ- влакын  кечыштлан пӧлеклалтше торжественно наградым кучыктымаш эртен. «Россий Федераций ял озанлыкын сулло пашаеҥже» Чап лӱмым Куженер районысо «Искра» колхозым вуйлатыше Николай Поликарповлан пуымо. «Марий Эл ял озанлыкын сулло пашаеҥже» Чап лӱмым «Шойбулак» племзаводын водительже Иван Благодаров, «Семёновский» племзаводын генеральный директоржын алмаштышыже, тӱн ветеринар врачше Роберт Малинин, «Ленин лӱмеш» колхозын водительже Юрий Михеев, «Акпарс» агрофирмын тракторист-машинистше Андрей Перескоков налыныт. Кум еҥлан Республикым вуйлатышын тауштымашыжым увертарыме.
             Фото: Марий Элым вуйлатышын  администрацийжын увер дене пашам ыштыше пӧлкаже.

Прошлые выпуски