Марий Элысе агропромышленный комплексыште кугу инвестиций проект шыҥдаралтеш
Марий Элысе агропромышленный комплексыште кугу инвестиций проект шыҥдаралтеш. «Семёновский» Племзавод ЗАО республикыште шӧрым ыштен налше ик эн кугу озанлык. Тудо республикысе системообразующий предприятий радамыш пура, голштин урлык тӱкан шолдыра вольыкым ончен- куштышо племенной завод, нелым шупшыктышо руш да литва урлык имньым шукемдыше племенной завод улеш. Продукцийым Медведево, Шернур, Советский районлаште луктеш. 2020-шо ий гыч предприятий шӧрым пуышо вольык озанлыкым вияҥдыме шотышто инвестиций проектым шыҥдара. Тудын кышкарыште производство куатым кумдаҥда, кормам ямдылаш ял озанлык техникым, вольык вӱталан оборудованийым налеш. Таче кечылан ик миллиардат 600 миллион теҥге оксам кучылтын. Кугу полышым Кугыжаныш пуа. Предприятийлан социал-экономик велым вияиндивидуал программе сай шӱкалтыш лийын. Инвестиций проектым 2027-ше ийыште мучашлаш палемдыме. Проект кышкарыште тений 600 вуйлан кок презе вӱтам чоҥымо. У объектым Медведво районысо Руш Кукмор ялыште нӧлтымӧ. Марий Элым вуйлатыше Юрий Зайцевын кӱштымыжӧ почеш Правительстве вуйлатышын икымше алмаштышыже Дмитрий Троицкий ден ял озандык министр Андрей Кондратенко Руш Кукмор комплексыш миеныт. Вашлиймашыште индивидуал программым шыҥдарыме лектышым да предприятийым ончыкыжо вияҥдыме планым каҥашеныт.
Фото: Марий Элым вуйлатышын администрацийжын увер дене пашам ыштыше пӧлкаже.
Фото: Марий Элым вуйлатышын администрацийжын увер дене пашам ыштыше пӧлкаже.
