Марий Кугыжаныш университетыште Тӱнямбал кӱкшытан «Йылме. Тӱвыра. Этнос- влак» кокымшо форум эртен

Марий Кугыжаныш университетыште Тӱнямбал кӱкшытан «Йылме. Тӱвыра. Этнос- влак» кокымшо форум эртен
            Марий Кугыжаныш университетыште Тӱнямбал кӱкшытан «Йылме. Тӱвыра. Этнос- влак» кокымшо форум эртен. Тудым «Приоритет- 2030» программым шыҥдарыме кышкарыште йот йылме факультет ямдылен да Ешын талукшылан пӧлеклен. Форум кышкарыште   кусарыме сомылым, тӱнясе йылме сӱретым, сылнымутан текстым, туныктымо технологийым, викториным, турнир ден конкурсым, кейс-батлым, мастар классым эртарыме йодышым шымлыше- влакым ушен шогышо тӱнямбал конференцийым эртарыме. Форумын ик оҥай форматшылан калык- влакын муро ден куштымаш конкурсыштым шотлыман. МарГУ-со форум элысе 54 ола да 9 эл гыч кум тӱжемат 396 еҥым чумырен. Мероприятийым эртарыме кӱкшӧ уровень нерген языкознаний да переводоведений аланыште вӱдышӧ эксперт- влакын ушнымыштат ойла. Нунын коклаште Добролюбов лӱмеш Кугыжаныш лингвистике университетын профессоржо, филологий шанче доктор Вадим Сдобников, йылмызе да кусарыше, педагогике шанче кандидат, Россий институтын руш да йот йылме кафедрым вуйлатыше, «Школышто йот йылме- влак» Российысе шанче-методик журналын тӱҥ редакторжо Ирина Твёрдохлебова да молат лийыныт. Форумым петырымаште форум кышкарыште эртарыме конкурс ден викториныште сеҥыше ден призёр- влакын лӱмыштым ойлымо, участник- влакым саламлыме, вич паша кечын лектышыжым иктешлыме да чыла участникшат сайын ямдылалтмашым, талантым да профессионал качествыжым ончыктен манын палемдыме.
            Фото: МарГУ.

Прошлые выпуски