Эрык деч посна кодшо 980 еҥ у пашалан тунемын
Марий Элым вуйлатыше Александр Евстифеев Наказанийым шуктышо федерал службын виктемжым вуйлатыше Сергей Евтушенко дене вашлийын. Нуно уголовно-исполнительный системын пашаже, петырымаш гыч лекше- влаклан илышыште шке верыштым муаш полшымо нерген мутланеныт. Сергей Евтушенко палемден: исправительный тӧнежлаште паша удан огыл кая, подразделенийлаште тӱзатыме сомыл шукталтеш. Тидлан федерал бюджет гыч оксам ойырымо. Тудын 80 процентшылан пашам шукташ контарктым пеҥгыдемдыме. 37 территориальный орган гыч ме 16-шо верым айлена,- каласен тудо. Исправительный тӧнежла пелен кум профессионал училище пашам ышта. Эрык деч посна кодымо еҥ- влакым токарьлан, кӱртньым тапташ, пушеҥгым обрабатыватлаш, ургаш туныктат. Кодшо ийын 980 еҥ тунем лектын. Пашалан заказ ситышын уло. Но тоштемше оборудований йӧндымылыкым луктеш. Кодшо ийын тазалыкаралтыш минстерстве дене пашам ыштыме. Тудлан вакшышыш шартышым да медперсоналлан вургемым урген пуымо. Тыште ыштыме сатум Москошто, Санкт-Петербургышо, Чувашийыште да Ивановышто наледат. Чыла каҥашыме йодыш дене сай решенийым лукмо.
