«Умбалне Элнет ӱмбал канде»
Волжский районысо Шайра кундемыште палыме Мӱшылъер воктене кумшо августышто ынде кандашымше гана «Умбалне Элнет ӱмбал канде» марий муро, поэзий, куштымаш фестиваль лиеш. Тудо композитор, музыкант, туныктышо Василий Очетовлан 100 ий темме да Волжский районлан 80 ий темме лӱмеш эртаралтеш. Тыгак тудо Сотнур волостьым ыштымылан 300 ий теммылан пӧлеклалтеш. Тушко лӱмлӧ мурызо, музыкант- влак мийышаш улыт.
