Москошто Юл кундем округын чапшым Марий Элын командыже арала
Таче кече 2-шо август марте Москошто «Лӱдыкшыдымылык школ» Россий кӱкшытан 15-ше таҥасымаш- влак эртат. Изирак ийготан- влак коклаште Юл кундем округын чапшым Марий Элын командыже арала. Тыгай таҥасымаш кок ийлан ик гана лиеш. Тушко уло эл гыч регионышто сеҥыше- влак погынат. Тений 13-14 да 15-16 ияш- влак коклаште 18 команде кучедалеш. Нуно чарак полосам, пожар эстафетым, «илен лекме маршрутым» эртышаш улыт. Ушештарена: июньышто Мордовийыште эртыше регионысо таҥасымаште Марий Элысе изирак- влакын командышт икымше верым, кугурак- влакын командышт кокымшо верым сеҥен налыныт ыле.
