Эрла пӱтынь элна Кугу Ачамланде сарыште сеҥымылан 81 ий теммым кумдан палемда

Эрла пӱтынь элна Кугу Ачамланде сарыште сеҥымылан 81 ий теммым кумдан палемда
             Эрла пӱтынь элна Кугу Ачамланде сарыште сеҥымылан 81 ий теммым кумдан палемда. Тиде кугу пайрем дене Республикыште илыше еҥ- влакым, ветеран-шамычым Марий Элым вуйлатыше Юрий Зайцев саламла. Кугу Сеҥымаш кече- калыкнан пеҥгыдын шогымыжым, героизмжым да шкем чаманыде кредалмыжым ончыктышо символ. Шочмо элым фашист йырнык деч арален кодаш манын, Марий кундемын тӱжемле эргыж ден ӱдыржӧ фронтыш каеныт. Мемнан мландыште эрыкан ончыкылык, тыныслык лӱмеш 80 тӱжем наре землякна шке илышыштым пуэныт. Нунын подвигышт мемнан шӱм-чонеш эрелан кодеш.
             Неле сар ийлаште Марий Эл Республик ӱшанле тылыш, Сеҥымашын чынже денак апшаткудышкыжо савырнен. Мемнан мландына фронтлан чыла кӱлешаным: пушеҥгым, пырчым, кочкышым- ситарен шоген. Тӱжемле еҥ лым лийде тыршен. Мемнан тӱҥ задачына- тунамсе пеш кугу сеҥымаш нерген шарнымашым арален кодаш да тудын дене у тукым- влакым палдараш. Тиде волгыдо да ойган кечын, шерге ветеран- влак, тендан ончылно вуйнам савена!
              Тендан патырлыкда да пеҥгыдын шогымыда- мыланна чылаланна пример. Пӧртыштыда тыныслык, порылык да улан илыш эреак озаланышт. Сеҥымаш кече дене!- ойлалтеш республикым вуйлатышын саламлымашыштыже.
             Фото: Марий Элым вуйлатышын  администрацийжын увер дене пашам ыштыше пӧлкаже.

Прошлые выпуски