Ийготыш шудымо- влакым пашаш пуртымо кеҥежымсе кампаний тӱналын

Ийготыш шудымо- влакым пашаш пуртымо кеҥежымсе кампаний тӱналын
             Марий Элыште ийготыш шудымо- влакым пашаш пуртымо кеҥежымсе кампаний тӱналын. Пашавер рӱдер- влакын специалистышт 14-18 ияш ӱдыр-рвезе- влаклан кеҥежым жаплан пашам муаш полшат. Нунылан посна опытым йоддымо вакансий- влакым ямдылат. Тиде- вожатый, курьер, кундемлам тӱзландарыше пашаеҥ, полышкалыше пашазе, пӧлемлам эрыктыше да моло паша- влакым. Чыла вержымат тергыме пашам пуышо- влак темлат, официально оформитлат да пашалан чынжымак оксам тӱлат. Икымше пашадар да икымше паша ойпидыш- тиде подросткылан кугу ошкыл. Ме ӱдыр-рвезе- влаклан тиде ошкылым ӱшанлын да лӱдыкшӧ деч посна ышташ полшена. Кеҥежым ыштен налме окса- тиде кӱсенлык окса гына огыл, а паша кыл кузе ышталме нерген умылымаш,- палемден республикысе занятость рӱдерын директоржо Артём Санников. Ийготыш шудымо- влаклан  икымше пашавер ярминга 28-ше апрельыште эртен, весыже 22-шо майыште Республикысе рӱдерыште Ольга Тихомирова урем, 59-ше пӧрт адрес дене лиеш.
           Фото: источник photogenica, автор AndrewLozovyi

Прошлые выпуски