Марий Элыште калыкле проект почеш эҥерла гоч кӱвар- влакым ачалат
Марий Элыште калыкле проект почеш эҥерла гоч кӱвар- влакым ачалат. Автомобиль корнылаште верланыше кӱвар-влакым олмыктымаш «Илашлан инфраструктура» калыкле проектын ужашыже улеш. Специалист- влак кызыт 140 метрыш шуйнышо кум кӱварыште пашам ыштат. Эн кужу кӱвар Морко районышто Вончо эҥер гоч Звенигово-Шолэҥер- Морко корнышто верланен. Тушто пашам эше 2025-ше ий мучашыштак тӱналме. Кызыт пашан 35 процентшым шуктымо.
Параньга районышто Параньга- Уньжинский корнын 15-ше меҥгыштыже Элнет эҥер гоч кӱварым олмыктат. Тушто пашам ыштыме кужыт 48 утла метрыш погына. Кӱвар пеҥгыде да кужу жаплан чытыше лийже манын винтовой свайым пӱтырен шындат. Тыгак пашазе- влак кӱвар ден насыпьым ушен шогышо кӱртньӧ бетон монолит плитам ышташ оплубкым ямдылат. Объектым 40 процентлан ыштыме.
Волжский округышто Пӧтъял- Учимсола- Шӱргыял корнын икымше меҥгыштыже Курша эҥер гоч кӱвар олмыкталтеш. Тудын кужытшо 36 метр утла. Тушто кызыт серысе негыз меҥгым да сер дене ушнымо вер- влакым ыштат. Кӱварым 38 процентлан шуктымо.
Фото: «Марийскавтодор» ГКУ.
Параньга районышто Параньга- Уньжинский корнын 15-ше меҥгыштыже Элнет эҥер гоч кӱварым олмыктат. Тушто пашам ыштыме кужыт 48 утла метрыш погына. Кӱвар пеҥгыде да кужу жаплан чытыше лийже манын винтовой свайым пӱтырен шындат. Тыгак пашазе- влак кӱвар ден насыпьым ушен шогышо кӱртньӧ бетон монолит плитам ышташ оплубкым ямдылат. Объектым 40 процентлан ыштыме.
Волжский округышто Пӧтъял- Учимсола- Шӱргыял корнын икымше меҥгыштыже Курша эҥер гоч кӱвар олмыкталтеш. Тудын кужытшо 36 метр утла. Тушто кызыт серысе негыз меҥгым да сер дене ушнымо вер- влакым ыштат. Кӱварым 38 процентлан шуктымо.
Фото: «Марийскавтодор» ГКУ.
