Шкетан лӱмеш марий театр ныл ялыште спектакль- влакым тӱжвалне ончыкта
Шкетан лӱмеш марий драма театр республикысе ныл ялыште спектакль- влакым тӱжвалне ончыкта. Тидын нерген театрын афишыже увертара. Виш кава йымалне тургымым почмаш 29-ше майыште Шернур округысо Чылдемыр ялыште лиеш. Мийыше- влак «Кеҥеж йӱд» музыкальный комедийым ончен кертыт Июньышто эше кум верыште спектакльым ончыкташ палемдыме. 5-ше июньышто У Торъялыште артист- влак «Кавасе алаша» семан комедийым ончыктат. 26-шо июньышто тиде спектакль денак труппа Морко районысо Унчыш кая, 12-шо июльышто спектакльым Волжский округысо Карай ял калык ончен кертеш. «Театр виш кава йымалне» проектым Шкетан лӱмеш театр идалык еда эртара да калыкын йоратымашыжым сулен налын.
Фото: Валерий Тумбаев. Шкетан лӱмеш театрын пресс-службыжо.
Фото: Валерий Тумбаев. Шкетан лӱмеш театрын пресс-службыжо.
