Республикыштына тений икымше земский доктор пашам ышташ тӱҥалын

Республикыштына тений икымше земский доктор пашам ышташ тӱҥалын
               Республикыштына тений икымше земский доктор пашам ышташ тӱҥалын. Медведево рӱдӧ эмлыме верын Руэмысе врач амбулаторийышкыже участковый терапевт толын. Олеся Кузнецова тений «Земский доктор» программе почеш ойпидышым кылдыше икымше врач лийын. Тудо Марий университетын Медицина инситутшым 2021-ше ийыште тунем пытарен. Оласе 4-ше поликлиникыште пашам ыштен, вара ӱдырым шочыктен да земский программышке ушнаш шонен пыштен. 
              Врач амбулаторийым вуйлатыше Екатерина Семковская тыгак земский доктор улеш. Тудо 2025-ше ийыште Марий университетым тунем пытарен да вигак Руэмыште пашам ышташ тӱҥалын. Амбулаторий посёлкысо да воктелсе ялла гыч ныл тӱжемат 200 еҥым обслуживатла. Тений калыкле проект кышкарыште амбулаторийлан у блочно-модулян конструкцийым налын монтироватлаш шонат. Кызыт амбулаторий тошто зданийыште верлана.
              Руэм деч посна тений ФАП-лан у блочно-модулян конструкцийышт Звенигово велысе Кокшамарийыште да Волжский округысо Отымбалыште лийшаш улыт. Ойпидыш почеш земский врач ден фельдшер- влак медицина организацийыште вич ий пашам ыштышаш улыт.
            Фото: Тазалыкаралтыш министерстве.

Прошлые выпуски