Эшкинин уремыште ешарен газон- влакым тӱзландарат

              Республикым вуйлатышын кӱштымыж почеш, Йошкар-Оласе Эшкинин уремыште ешарен газон- влакым тӱзландарат. Тыгай задачым Александр Евстифеев уэмдыме объект- влакым терген коштмыж годым шынден ыле. Тений Йошкар-Ола кундемыште чылаже 6 тӱшка кундемым тӧрлымӧ. Нунын кокла гыч иктыже- Эшкинин уремын Ленин проспект деч Чавайн бульвар марте ужашыштыже йолын коштмо вер. Александр Евстифеев шуктымо пашам аклышыла, газоным кӱлеш семын ыштыме огыл манын. Ситыдымашым кораҥдашлан подряд организаций ешарен рокым конден да икмыняр кече жапыште газон- влакым тӧремдат, вара газонлык шудым ӱдат. Тыге йолын коштмо корно воктелжат сылнештеш, кумылым нӧлташ тӱҥалеш.

Прошлые выпуски