Федераций Советыште «Российысе регион- влакын брендышт» ончер почылтын

             Федераций Советыште «Российысе регион- влакын брендышт» ончер почылтын. Тудым почмаште Федераций Советым вуйлатыше Влентина Матвиенко, тудын алмаштышыже, Марий Эл правительстве деч представитель Константин Косачёв, Федераций Советын шанче, туныктыш да тӱвыра шотышто комитетшым вуйлатыше Лилия Гумерова, Роспатентым вуйлатыше Юрий Зубов, Промышленный пого федерал институтын директоржо Олег Неретин лийыныт. Экспозицийыште калык художественный промыслын изделийже, ойыртемалтше семӱзгар, калык костюм, кочкыш сату да молымат ончыктымо. Чылаже регионысо бренд семын  регистрироватлыме 250 утла сатум ончыктымо. Марий Эл гыч марий кӱслем, «Шернур легшенда» сырым, подкогыльым, курык марий кравецым намийыме. Марий кӱслен сылне семжым чыла уна- влак аклен кертыныт, а марий кочкыш- влак дене Константин Косачёв шке сийлен.
             Фото: Марий Элым вуйлатышын  администрацийжын увер дене пашам ыштыше пӧлкаже.

Прошлые выпуски