«Марий Эл Арена» манежыште куштылго атлетике дене республикын кубокшо эртен
«Марий Эл Арена» манежыште 23-шо 25-ше декабрьыште пӧлемыште куштылго атлетике дене республикын кубокшо эртен. Спортсмен- влак программын шым видше дене таҥасеныт. Тушко 60 метрыш чарак гоч куржталмаш, кӱкшытыш тӧрштылмаш, 60, 400, 800, 1500 да кум тӱжем метрыш куржмашат пуреныт. Эн кӱкшӧ лектышым 800 метрыш куржмаште ончыктеныт. Пӧръеҥ- влак коклаште олимпий резерв училище гыч Егор Кузнецов сеҥыше лийын, ӱдырамаш- влак коклаште Ольга Порядкина. 60 метрым икымше разрядын нормативше дене Мария Чеботарёва куржын эртен. Сергей Ожигановын 60 метрыш чарак гоч куржмаште лектышыжым республикын эн кугу сеҥымашыже семын шотлымо. Моло дисциплиныште икымше верлашке Арина Атлашкина, Вениамин Волков, Полина Домрачева, Андрей Кутасов, Мария Киселёва, Сергей Литаврин, Дарья Левковская да Кирилл Байрамов лектыныт.
Фото: Андрей Антонов. «Марийская правда».
Фото: Андрей Антонов. «Марийская правда».
