Килемарыште калыкле проект кышкарыште кинозалым модернизироватлыме
Килемарыште калыкле проект кышкарыште кинозалым модернизироватлыме. «Сфера» уэмдыме кинозалым торжественно почмо. «Тӱвыра» калыкле проект кышкарыште федерал бюджет гыч 9 миллион теҥгем колтымо. Залыште проекций оборудованийым, йук системым шынденыт, креслым да волгыдым пуышо оборудованийым вашталтыме. Кинозалыште 3Д формат дене фильм- влакым ончыкташ йӧн лектын. Район администрацийым вуйлатыше Татьяна Обухова республикын правительствыжлан, тӱвыра министерствылан районышто кином ончаш йӧным ыштымылан да тӧнежын писын пашам ыштымыштлан тауштен. Тӱвыра министрын алмаштышыже Елена Бурнашева районысо калыкым кинозалым почмо дене саламлен да калык кошташ тӱналеш манын ӱшаным каласен. Погынышо- влаклан Марий Элын лӱмгечыже вашаш ямдылыме «Наследие. Марий Эл» фильмым ончыктымо. Торжественный ужаш деч вара икымше киносеанс лийын, а йоча- влаклан «Финики» фильмым ончыктымо. Тений чылаже ныл кинозалым уэмдыме. У объектлам ышташ 36 миллион теҥгем кучылтмо.
Фото: Тӱвыра министерстве.
Фото: Тӱвыра министерстве.
