Йошкар-Олан коммунал инфраструктурыжым уэмдымаш нерген Российын чоҥымаш, илыме вер да коммунал озанлык министрже дене мутланыме

               Йошкар-Олан коммунал инфраструктурыжым уэмдымаш Российын чоҥымаш, илыме вер да коммунал озанлык министрже Ирек Файзуллин ден Юрий Зайцевын вашлийме темышт лийын. Нуно канализаций коллекторым капитально олмыктымо да очистной сооружений- влакым пужен ыштыме кокымшо йыжыҥжылан оксам ойырымо нерген мутланеныт. Кызыт республике «Юл эҥерым тазаҥдымаш» федерал проектым шыҥдарыме дене икымше верыште улеш. Тудын кышкарыште Йошкар-Ола канализацийын очистной сооруженийжым пужен ыштыме икымше йыжыҥже сайын кая. Рӱдӧ оласе коммунал инфраструктуро системым уэмдашлан Панфилов уремысе канализаций коллекторым пужен ышташ кӱлеш. Тиде самотёчный канализаций коллектор магистральныйлан шотлалтеш, Йошкар-Олан 20 процентшым обслуживатла да Медведево посёлко гыч лавран вӱдым налеш. Нине 60 тӱжем еҥ деч посна вӱдым эше 10 утла кугу предприятий йоктара. Сандене умбакыже ынже шалане манын ик меҥге кужыт утла ужашым вашталташ кӱлеш, - каласен Юрий Зайцев. Чыла палемдыме планым жапыштыже але ондакырак шуктымаш калыкын илышыжым сайракым ышташ полша. Россий Минстройым вуйлатыше темлымаш- влакым пуаш, умбакыже ончен лекташ да проектым илышыш шыҥдараш темлен.
             Фото: Марий Элым вуйлатышын  администрацийжын увер дене пашам ыштыше пӧлкаже.

Прошлые выпуски