Марий Элым вуйлатыше Российысе транспорт министерствыште республикысе авиаций, кӱртньӧ корно да эҥер инфраструктурым вияҥдыме йодышым каҥашен

            Марий Элым вуйлатыше Российысе транспорт министерствыште республикысе авиаций, кӱртньӧ корно да эҥер инфраструктурым вияҥдыме йодышым каҥашен. Москошто Россий Федерацийын транспорт министрже Виталий Савельев ден Марий Элым вуйлатыше Юрий Зайцев вашлиймашым эртареныт. Нуно Йошкар-Олан аэропорт комплексшым вияҥдыме, Зелёный Дол- Яранск- Котельнич кӱртньӧ корным шуйымо да электрифицироватлыме, причал- влакым чоҥаш оксам ойырымо да эҥер судно- влакым налме йодышым каҥашеныт. Вашлиймашыште Федераций Совет Председательын алмаштышыже Константин Косачёв, автомобиль да ола транспорт аланыште кугыжаныш политике департаменын директоржо Сергей Семёнов, кӱртньӧ корно аланыште кугыжаныш политике департаментым вуйлатыше Александр Федорчук, Федерал корно агентствым вуйлатыше Роман Новиков лийыныт. Юрий Зайцевын мутшо почеш аэропортын у терминалжым чоҥымо пашам да чоҥештен кӱзымо да волен шичме полосам пужен ыштымашым 2024-ше ийыште мучашлаш палемдыме. Марий Эл туризимлан кумылым савырыше кундем. Сандене причал- влак моткоч кӱлешан улыт. Причалым чоҥымо мероприятийым «Кугу Юл корно» проектыш пурташ темлалтеш. Пассажирым шупшыкташ Метеор-1 ден Валдай -2 судно- влакым налаш келшен толеш. Транспорт инфраструктурым тыгак Волжскышто, Звениговышто, Кокшайскыште вияҥдаш кӱлеш. Чыла ончымо йодыш экономикылан, илыш кӱкшытлан да регион- влак кокласе кыллан кӱлешан улыт.
             Фото: Марий Элым вуйлатышын  администрацийжын увер дене пашам ыштыше пӧлкаже.

Прошлые выпуски