Герой-влаклан ончер
«Геройын пелашыже. Геройын аваже» фотопроект Курыкмарий районышко куснен. Тушко 44 ӱдырамашын портретшым пуртымо. Нунын пелашышт, эргышт, изашт сарзе операцийын участикше улыт. Ӱдырамаш шке геройыштлан серышым возеныт. Ончерыш мийыше-влак нуным лудын кертыт. Ончер куснылшо. Тудым икмыняр районышто ончыктеныт. Ты гана Виловат селашке наҥгаеныт. Проект дене верысе тӱвыра пӧртышто 20-шо октябрь марте палыме лияш йӧн уло.
Ончерым почмо годым Козьмодемьянск, Курыкмарий да Юрино район-влакын сарзе комиссарышт Курыкмарий район гыч СВО-што ӱмыр лугыч лийше-влакын родо-тукымыштлан Мужество орденым кучыкен.
