Ночко игече гынат, тул деч шеклане
Марий кундемышкына юалге игече толмо дене чодыра пожар лӱдыкшӧ иземын. Туге гынат пожар ваштареш кучедалше структур-влак тӱткылыкым огыт йомдаре, туткар лиеш гын, кӱчык жапыште чодырашке лекташ ямде улыт. Спецтехнике ден оборудований ситышын уло.
Тений пожар тургым жапыште чодыраште 59 гана тул ылыжын, 56 гектар кумдыкым авалтен.
Лишыл кечылаште йӱран да юалге игече шогаш тӱналеш гынат, калыкат тӱткылыкым йомдарышаш огыл. Тидын нерген шке телеграмм каналыштыже регионым вуйлатыше Юрий Зайцев шижтара.
