У Советник
Республикысе правительстве председательын икымше алмаштышыжым Евгений Кузьминым Марий Эл вуйлатышын Советникшылан шогалтеныт. Пашаже Россий Федерацийын у территорийже-влак дене кылым кучымо дене кылдалтеш. «Те палемда, элыштына у территорий-влакым Российын социально-экономический пространствышкыже шыҥдыраме шотышто кугу паша ышталтеш. Сандене регионым вуйлатыше Юрий Зайцев мыйым тиде кӱлешан участкышке виктарен да Советниклан шогалтен, - воза шке телеграм-каналыштыже Евгений Петрович. Тыгак тудо муниципал образований да администраций вуйлатыше-влаклан, шке коллегыже - Правительствын еҥже-влаклан - келшен пашам ыштымыштлан таушта.
