Ял озанлык ончер

Ял озанлык ончер

Москваште «Шӧртньӧ шыже» агропромышленный выставка эрта. Тений тудо 26-шо гана эртаралтеш. Тушто элыштына ял озанлыкыште шумо кӱкшыт дене паладарат, ончыкыжым вияҥшаш корным рашемдат. Экспозицийлашке ял озанлык техникым, сай урлык вольыкым, кочкыш сатум, агробизнеслан тӱрлӧ услугым чумырымо.

Марий Эл гыч ончерышке 20 утла ял озанлык предприятий гыч представитель-влак каеныт. Республикынан стендше ик эн йодмашан. Вет Марий Элыште лукмо сатун кӱкшӧ качествыже нерген элыштына сайын палат.

Прошлые выпуски