Грипп, ОРВИ да Ковид-19 мо дене ойыртемалтыт да могай икгайлыкышт уло?
Грипп, ОРВИ да Ковид-19 мо дене ойыртемалтыт да могай икгайлыкышт уло? Тидын нерген Роспотребнадзр виктем умылтарымашым пуа. ОРВИ але кылме чер шӱлымӧ кӱшыл органлан эҥгекым ышта. Тидлан шӱлымӧ годым организмыш пурышо вирус амалым пуа. Тиде респиаторный черлан шотлалтеш. Симптомжо: эркын тӱҥалеш, сӱсандара, нер йога, петыралтеш, кокырыкта да тӱрвынчыкта, логар коршта. 7-10 кече наре гыч еҥ тӧрлана.
ОРВИ дене таҥастарымаште грипп жап тургым дене кылдалтын. Тудо шыже гыч шошо марте, поснак йӱштӧ годым осаллана. Тудын штаммже кажне ийын вашталт шога. Сандене кажне ийын у вакцине темлалтеш. Кузе палдырна: писын тӱҥалеш, кукшо кокыртыш орландара, сӱсандарыме годым температура 40 градус марте кӱза, могыр шергылтеш, чогашыл, вуй, логар коршта, нер петыралтеш, нойымаш шижалтеш, тиде кок арня марте шуйнен кертеш, укшинчыкта. Грипп нелемдымашым пуэн кертеш да шодо пуалмашке савырныме лӱдыкшӧ уло.
Ковид-19 дене черланымашат тыгайракак коеш. Тыштыжат, туштыжат- респираторный чер. Черланымаш симптомде каен, куштылгын, нелын эртен, колымаш марте шуктен кертеш. Кок вирусшат юж дене да тӱкнымӧ дене кусна. Сандене маске, перчатке кучылталтеш, кидым эрыктыман да дистанцийым кучыман, иммунизацийым ыштыман. Грипп ден Ковидын ойыртемже- куснымо скорость. Гриппын инкубаций жапше да пижме интервалже кӱчык- 3 кече. Ковидын- 5-6 кече. Сандене грипп вашкерак шарла. Грипп инфекций йоча, мӱшкыран ӱдырамаш, илалше да хроничсекий черан- влаклан вашке пижеш. Ковид илаше- влакым да черан- влакым вашкерак авалта. Нине черын симптомжо коймеке, вигак варч деч полышым йодман. Шке семын эмлалташ ок лий.
ОРВИ дене таҥастарымаште грипп жап тургым дене кылдалтын. Тудо шыже гыч шошо марте, поснак йӱштӧ годым осаллана. Тудын штаммже кажне ийын вашталт шога. Сандене кажне ийын у вакцине темлалтеш. Кузе палдырна: писын тӱҥалеш, кукшо кокыртыш орландара, сӱсандарыме годым температура 40 градус марте кӱза, могыр шергылтеш, чогашыл, вуй, логар коршта, нер петыралтеш, нойымаш шижалтеш, тиде кок арня марте шуйнен кертеш, укшинчыкта. Грипп нелемдымашым пуэн кертеш да шодо пуалмашке савырныме лӱдыкшӧ уло.
Ковид-19 дене черланымашат тыгайракак коеш. Тыштыжат, туштыжат- респираторный чер. Черланымаш симптомде каен, куштылгын, нелын эртен, колымаш марте шуктен кертеш. Кок вирусшат юж дене да тӱкнымӧ дене кусна. Сандене маске, перчатке кучылталтеш, кидым эрыктыман да дистанцийым кучыман, иммунизацийым ыштыман. Грипп ден Ковидын ойыртемже- куснымо скорость. Гриппын инкубаций жапше да пижме интервалже кӱчык- 3 кече. Ковидын- 5-6 кече. Сандене грипп вашкерак шарла. Грипп инфекций йоча, мӱшкыран ӱдырамаш, илалше да хроничсекий черан- влаклан вашке пижеш. Ковид илаше- влакым да черан- влакым вашкерак авалта. Нине черын симптомжо коймеке, вигак варч деч полышым йодман. Шке семын эмлалташ ок лий.
