Йошкар-Олаште калыкле семӱзгар коллектив- влак таҥасаш тӱҥалыт
Йошкар-Олаште калыкле семӱзгар ансамбль да оркестр- влакын Россий кӱкшытан фестиваль- конкурсышт эрташ тӱҥалеш. «Многоликая Россия» нылымше конкурс Йошкар-Олаште онлайн-формат дене лиеш. Тушко ял, муниципал, республике кӱкшытан тӱвыра, туныктыш тӧнеж да моло ведомствын оркестр ден ансамбльышт ушнат. Нунын шоктымаште тошто калыкле семӱзгар- влак лийшаш улыт. Йодмаш- влак Башкортостан, Йӱдвел Осетий-Аланий, Марий Эл, Одо кундем, Волгоград, Вологда, Кемерово, Кострома, Псков, Саратов, Свердловск, Тула областьла, Югра гыч пуреныт. Фестиваль 19-ше ноябрьыште 18 шагатлан Эрик Сапаев лӱмеш Марий Кугыжаныш опера да балет академический театрыште почылтеш.
