«Интеграл» микрорайонышто южым амыртыше веществам верештме огыл
Рӱдӧ оласе «Интеграл» микрорайонышто южым амыртыше веществам верештме огыл. Тиде микрорайонышто улшо ситуацийлан черетан пашаче вашлиймаш пӧлеклалтын. Тымарте тушто илыше- влак южышто уто пуш чумыргымо нерген ик гана веле огыл вуйым шийыныт. Погынымаште Роспотребнадзор виктемын, Ростехнадзорын, пӱртӱс поянлык министерствын, ола администрацийын еҥышт да микрорайонышто илыше- влак лийыныт. Тергыше орган-влак микрорайонышто шуктымо паша да лектышыже нерген увертареныт. Федерал службо- влакын увертарымышт почеш лабораторий тергымаш южышто амыртыше уто веществам рашемдыме огыл, но лишыл предприятий- влакым умбакыже тергаш тӱҥалыт. Тушто пашам ыштыше предприятийла дене вашлиймашым эртарыме, фильтран котельныйым ышташ темлыме.
