Икымше июльышто Конституцийышке вашталтышым пуртымо шотышто элна мучко йӱклымаш лиеш
Тений икымше июльышто Российын Конституцийышкыже вашталтышым пуртымо шотышто элна мучко йӱклымаш лиеш. Йӱклымӧ годым тӱҥ йодыш калыкын илышыжым да тазалыкшым аралымаш дене кылдалтеш. Йӱклымашым эртарыше- влак тудын лектышыже чын да раш лийже манын тыршышаш улыт. Тиде кӱлешан пашалан раш да чатка йӧным ыштыме, чыла сомылым ужаш да колаш лиеш, тичмаш контроль, эскерыше- влак лийыт. Йӱклымашлан ямдылалтмашын тӱҥ йыжыҥже тӱналын. Кызыт тиде йӱклымашлан Рӱдӧ сайлыме комиссий, 18 территориальный, 520 тӱҥ, 13 жаплан ыштыме участковый комиссий- влак ямдылалтыт. Комиссийлаште чылаже вич тӱжемат 100 еҥ тырша. Таче 533 участковый сайлыме комиссийын икымше паша кечыже. Тачысе кече гыч 21-ше июнь марте участковый комиссийыш йодмашым пуаш лиеш. Тушто йӱклаш келшыше участкым ончыктыман. 25-ше гыч 30-шо июнь марте йӱклаш лиеш. Санитар нормо чыла вере шукталташ тӱҥалеш. Кӧ мӧҥгӧ гыч лектын ок керт да мӧҥгӧ гычак йӱклынеже, телефон дене участковый комиссийыш йыҥгырташ лиеш.
