Ик оласе канализаций сетьыште аварий лийын
Александр Евстифеев Волжск оласе Ленин уремыште канализаций сетьлаште аварийым кораҥдаш 30 миллионат 700 тӱжем теҥгем ойырен. Тидын шотышто тудо лӱмын документым пеҥгыдемден. Республикым вуйлатыше олмыктымо пашам писын шукташ кӱштен. Молан манаш гын, тудо кундемыште шуко пачеран 10 пӧрт, кок йоча сад, музыкальный да тыглай школ, рӱдӧ рынок, Свято-Никольский собор да моло социал объект- влак верланеныт. Александр Евстифеев рашемден: чыла пашам йӱштӧ толмеш ыштен шуктыман.
