Юрино посёлкышто пассажир причалым чоҥаш палемдыме
Юрино посёлкышто пассажир причалым чоҥаш палемдыме. Тудым чоҥышым 7-ше июль марте аукцион полшымо дене ойырен налыт. Объект инфраструктурын кӱлешан элементше лиеш, пассажир- влаклан лӱдыкшыдымылыкым да йӧным ышта, вӱд туризмым вияҥдаш полша. Причал ик кечыште 490 пассажирым обслуживатлен кертше лиеш. Проект шуко пашам авалта: кумдыкым эрыктыме да серым пеҥгыдемдыме деч тӱналын причалжым чоҥымо марте. Тушто кызытсе жаплан келшыше навигаций оборудований, лӱдыкшыдымылык системе лиеш. Причалыште кидкучемым, тошкалтышым, пандусым ыштат теҥгыл ден урным вераҥдат, виш павильоным шындат. Причалым ышташлан республикын бюджетше гыч 528 миллион теҥгем ойыраш палемдыме. Пашам 2027-ше ийын 30-шо октябрь марте шуктышаш улыт.
Фото: Марий Эл Правительстве (архив).
Фото: Марий Эл Правительстве (архив).
