Икымше июнь гыч ийготыш шудымо- влаклан «комендант шагат» ик шагатлан шӱкалалтеш
Марий Элыштына икымше июнь гыч ийготыш шудымо- влаклан «комендант шагат» ик шагатлан шӱкалалтеш. МВД-н увертарымыже почеш ынде тудо 23 шагат гыч тӱҥалеш. Полиций ушештара, закон дене келшышын 18 ийым темыдыме йоча- влак йӱдым тӱшка верлаште ача-ава деч посна коштын огыт керт. Лектыт гын, ача-аваштым штраф вуча. Республикын законжо почеш 22 гыч 6 шагат эр марте, а кеҥежым 23 гыч 5 шагат эр марте йоча- влак уремыште коштшаш огытыл. Тыгай верлан урем, парк, сквер, стадион, тӱшка транспорт, интернет-клуб, ужалкалыме, тӱшкан кочмо, каныме вер- влак шотлалтыт. Йӱдым кучымо йоча- влакым амалым рашемдаш полиций пӧлкаш кондат. «Комендант шагат» йоча- влакым осалым шонышо- влак деч аралаш да шкештат осал пашам ынышт ыште манын эртаралтеш.
Фото: Архив.
Фото: Архив.
