Марий Элыште «Земский учитель» программыш тений 54 йодмашым пуэныт

Марий Элыште «Земский учитель» программыш тений 54 йодмашым пуэныт
        Марий Элыште «Земский учитель» программыш тений 54 йодмашым пуэныт. Программе умбакыже шуйна. Программе почеш ялласе да изи олаласе муниципал да кугыжаныш школлаш пашаш кайыше туныктышо- влаклан ик гана ик миллион теҥгем тӱлат. Республикыштына 10-шо январь гыч 15-ше апрель марте йодмаш- влакым наледыме. Тиде жапыште 54 йодмаш пурен. Нуно Чуваш, Татарстан, Марий Эл, Мордовий, Башкортостан, Коми, Йӱдвел Осетий- Аланий республикыла, Оренбург, Киров, Ростов, Омск, Свердлов, Угарман, Саратов, Моско областьла, Алтай, Краснодар край, Ямало-Ненец автоном округ, Моско ола гыч пуреныт. Программыш 55 ияш марте кыдалаш профессионал да кӱшыл шинчымашан еҥ- влак ушненыт. Майыште комиссий 15 сеҥышым палемден. Нуно информатикым, математикым, историйым, обществознанийым, руш йылме ден литературым, тӱҥалтыш класслам, биологийым, географийым, химийым да технологийым туныкташ тӱҥалыт. Туныктыш министерствын уверже почеш туныктышо- влакым Звенигово ден Козьмодемьянск олаш, Звенигово, Куженер, Медведево, Оршанке да Шернур районлаш колтат.

Прошлые выпуски