Лелия Соколова лӱмеш оласе эмлыме верын кокымшо поликлиникыжым чоҥаш проект да смете документацийым ямдылат

Лелия Соколова лӱмеш оласе эмлыме верын кокымшо поликлиникыжым чоҥаш проект да смете документацийым ямдылат
           Йошкар-Олаште Лелия Соколова лӱмеш оласе эмлыме верын кокымшо поликлиникыжым чоҥаш проект да смете документацийым ямдылат. Республикысе тазалыкаралтыш министерствын уверже почеш вич йоча поликлинике гыч тидыжлан у тӧнеж утларак кӱлеш. Эмлыме тӧнеж пел курым ончыч чоҥымо ончычсо йоча садын пӧртыштыжӧ верлана. Южо пӧлемже санэпид йодмаш дене келшен ок тол, тушто «аныкан производство» принципым шыҥдараш ок лий. Кокымшо йоча поликлиникын обслуживатлыме микрорайон- влак чот кушкыт, калык ешаралтеш. У пӧртлаште илемым утларакше самырык- влак налыт, икшывым куштат. Кызыт поликлинике 13 тӱжем йочам онча. Нунылан эмлалташ да тушко кошташ сай йӧным ыштыман. Сменыште 500 еҥым обслуживатлыман поликлиникым «Тазалыкаралтышын первичный звеножым уэмдымаш» проект кышкарыште нӧлташ тӱҥалыт. Тушто прививке кабинетым, восстановительный эмлыме пӧлкам кумдаҥдаш, неврологий профиль дене кечывалымсе стационарлан койкым ешараш шонат. Проект да смете документацийым ямдылаш тений 15 миллион теҥгем колташ палемдыме.
           Фото: Тазалыкаралтыш министерстве.

Прошлые выпуски