Йошкар-Олаште Вантовый кӱварын тошкалтышыжым олмыктат
Йошкар-Олаште Вантовый кӱварын тошкалтышыжым олмыктат. Рӱдӧ пляж кумдык кугурак, йӧнанрак да лӱдыкшыдымырак лийын- йолгорно влакым бетон дене ыштыме, кече деч ӱмылтышӧ зонтикым, вургемым вашталтен чийыме верым, теҥгыл- влакым вераҥдыме, ужар кушкыл- влакым шындыме. Пляж тургымым почмо вашеш Вантовый кӱварыш намийыше тошкалтыш- влакым олмыктат. Йӱштылмӧ тургым Йошкар-Олаште 5-ше июньышто тӱҥалшаш.
Роспотребнадзор виктем «Кооператор» ден «Пӱнчер» лагерь- влаклан Шап ден Карака ерлаште йӱштылаш да пляжыште канаш лиеш манын. Специалист- влак вӱдым микробиологий, вирусологий да паразитологий показательлан тергеныт, рок ден ошмам шымлен лектыныт. Чылажат норматив дене келшен толеш. Кызыт лабораторий тергымашын лектышыжым эше каныме 15 вер вуча. Тиде- Йошкар-Оласе «Кечывалвел» пляж, «Яльчик» пансионат, «Кичиер» санаторий, Таир ерыште «Журавушка» социал-реабилитаций рӱдер улыт.
Фото: Йошкар-Ола администраций.
