Марий радиомеханический техникумын студентше- влак «Ай-Ти планета- 2023» Тӱнямбал олимпиадын финалышкыже лектыныт
Марий радиомеханический техникумын студентше- влак «Ай-Ти планета- 2023» Тӱнямбал олимпиадын финалышкыже лектыныт. 26-шо гыч 29-ше май марте Сочисе кугыжаныш университет негызеш увер ай-ти технологий сферыште 14-ше тӱнямбал олимпиадын финалже эртен. Тиде Россий да СНГ эллаште ик эн кугу ай-ти таҥасымаш. Тудо увер технологий корнышто профессионал моштымашым вияҥдаш да тиде сферыште эн сай специалист- влакым рашемдымашке виктаралтын. Финалыште Россий да СНГ элласе 150 вуз ден колледжын 400 студент ден выпускникше участвоватлен. Нуно ойырен налме онлайн- йыжыҥлаште 23 тӱжем участник гыч эн сай лектышым ончыктеныт. Нунын коклаште Марий радиомеханический техникум гыч кум студент- Денис Садовин, Дмитрий Чирков да Артём Рябов улыт. Нуно «Линукс системыште администрирований», «Увер лӱдыкшыдымлык» да «Кызытсе сеть технологий» корно дене очный таҥасымаште участвоватленыт.
Фото: Туныктыш министерстве.
Фото: Туныктыш министерстве.
