Ир сӧсна- влак кугу сӧсна фермылан биолӱдыкшым луктыт
Ир сӧсна- влак кугу сӧсна фермылан биолӱдыкшым луктыт. Угарман область ден Марий Эл шотышто Россельхознадзор виктемын ветеринар надзор пӧлкажын пашаеҥже-влак сӧснан африкан чума чержым чӱчкыдын регистрироватлымылан кӧра предприятийын ӱжмыжӧ почеш «Звениговский» СПК-ш миеныт. Ушештарена: Россий Правительствын распоряженийже почеш фермыла йыр кумло меҥге кумдык дене буфер зоным ышташ кӱштымӧ. Тиде кумдыкышто ир сӧснам тӱвыт пытарыман. Звенигово районышто профилактике визит годым сӧснам ончымо площадке йыр чӱчкыдын ир сӧсна кыша да колышо животный- влак верештыт. Марий Элыште тений ир сӧсна коклаште чума черын ныл вере шарлымыжым пален налме, иктыже- Звенигово районышто. Сӧсна комплекс йыр ир сӧснан улмыжо сӧснам ашныме предприятийыш вирусын пурымыжо да шарлымыже шотышто лӱдыкшым лектеш. Предприятийыште 220 тӱжем вуй сӧснам ашнат. Кумло меҥге кумдык дене сосна комплекс йыр ир сӧснам пытарыме нерген йодышым виктараш йодмашым Марий Элым вуйлатыше лӱмеш колтымо.
