Марий Эл федерал кӱкшытан Сабантуй пайремым эртараш чулымын ямдылалтеш

Марий Эл федерал кӱкшытан Сабантуй пайремым эртараш чулымын ямдылалтеш
            Марий Эл федерал кӱкшытан Сабантуй пайремым эртараш чулымын ямдылалтеш. Шушаш 2024-ше ийын 24-ше федерал Сабантуйын тӱҥ мероприятийже- влак Руэм посёлко воктелсе Медведево ипподромышто эртат. Кызыт пайремын мероприятийже- влакым эртараш инфраструктура ямдылалтеш. Республикын бюджетше гыч тӱҥалтыш жаплан 45 миллион наре теҥгем ойырымо. Марий Элым вуйлатыше Юрий Зайцев ипподромышто лийын, пашан кузе кайымыжым аклен. Тудлан каласкаленыт: трибунысо пӧлем- влакым олмыктымо. Кызытсе жаплан ямдылыме пашан икымше йыжыҥже мучашыш лишемеш. Моло пашажым умбакыже шуйымо лиеш. Федерал сабантуйым вашлияш мыланна кугу честь. Тӱрлӧ кундемла гыч шуко уна лийшаш. Пайремым сай кӱкшытыштӧ эртарыман. Тудо кужу жаплан шарнымашеш кодшо, - каласен Юрий Зайцев. Ушештарена: тений июль тӱҥалтышыште Федерал сабантуйын символжо «Тулпар имне»- символым Кемерово областьыште Марий Эллан кучыктымо ыле.
             Фото: Марий Элым вуйлатышын  администрацийжын увер дене пашам ыштыше пӧлкаже.

Прошлые выпуски