Марий Эл гыч спортсмен-влак спорт туризм дене Российын Чемпионатыштыже сеҥышыш лектыныт

Марий Эл гыч спортсмен-влак спорт туризм дене Российын Чемпионатыштыже сеҥышыш лектыныт
            Марий Эл гыч спортсмен-влак спорт туризм дене Российын Чемпионатыштыже сеҥышыш лектыныт. Волгоград областьысе Камышин олаште тиде кечылаште йолешке дистанцийлаште спорт туризм дене Российын Чемпионатше эрта. Таҥасымашым эртарыме чодыра питомникыште лӱмын тӱрлӧ нелытан трассым ыштеныт, коремла гочат вончыман: кандыра дене але корем пундаш гыч. Марий Элын спортсменже- влак икымше кечылаштат медаль- влакым налын шуктеныт. «Йолешке связка» дистанцийын эн неле 5-ше класс уровеньыште Рустам Урдяков ден Михаил Тарасовын связкышт пӧръеҥ- влак коклаште эн чолга лийыныт. Мемнан моло рвезе- влак изиш вараш кодыныт. Вячеслав Демьянов ден Георгий Дмитриевын связкышт нылымше верым налын, Константин Рожков ден Матвей Захаров визымше лийыныт. Ӱдырамаш- влакын зачётыштышт Ксения Мубаракшина дене Екатерина Николаева тыгак кӱкшӧ лектышым ончыктеныт- нуно кокымшо лийыныт. 
             Фото: Спорт-туризм министерстве.

Прошлые выпуски