Пӱртӱс поянлык министерстве «Чодырам арален кодена» акцийым вуча

Пӱртӱс поянлык министерстве «Чодырам арален кодена» акцийым вуча
              Пӱртӱс поянлык министерстве «Экологий» калыкле проект кышкарыште «Чодырам арален кодена» акцийлан  ямдылалтмашым эртара. Тений тиде акций Россий мучко визымше гана эртаралтеш. Мемнан республикыште акций кышкарыште тиде шыжым «Пӱнчер» санаторий кундемыште у чодырам шындаш палемдыме. Тыге 2021-ше ийыште йӱлышо чодырам уэш шындат. Кызыт тушто мландым куралыт, верыштак участке- влакым рашемдат, чодырам шындыме проект- влак ышталтыт да  кутырен келыштаралтыт. Тиде арня мучашлан 50 гектар кумдык мландым ямдылат. 25-ше сентябрь гыч тыгыде кушкылым шындаш тӱҥалыт. Виш вожан тыгыде пӱнчым шындат. Пӱртӱс поянлык министерстве чыла кумылан- влакым акцийыш ушнаш ӱжеш. Акцийыш мияш кумылан еҥ але тӱшка дене мияш шонышо- влак 42-06-31 номер дене йыҥгыртен кертыт.
            Фото: Пӱртӱс поянлык министерстве.

Прошлые выпуски