Эҥер серыш Кундыш Кугыза ден Чачавий лектыныт
Республикыштына эҥер серыш Кундыш Кугыза ден Чачавий лектыныт. Апрель мучашыште Российысе шагал чотан тӱп калык- влакын кечышт годым Советский районысо Обаснур ял воктелсе кумдык театрализлванный площадкыш савырнен. Изи Кундыш эҥер серыште «Йомакысе Обаснур кундемем» представленийым ончыктеныт. Мероприятийын унаже- влак легендарный персонаж- влак дене вашлийыныт. Нунын деке кушкыл кокла гыч тиде кундемлам аралыше Кундыш кугыза тоям тоялтен Чачавий уныкаже дене лектын. Тиддеч посна эҥер серыште «Сарыш ужатымаш» сӱретым ончыктымо. А вашлиймаш тутло чай, каравай ден сийлымаш да кужун мутланен шинчымаш дене мучашлалтын. Мероприятийыште Советский, Солнечный, Шуарсола, Кужмарий, Кельмаксола, Ургаш, Колянур да Тапшер ял клублан представительышт участвоватленыт.
Фото: Советский рӱдераҥдыме клуб системе.
Фото: Советский рӱдераҥдыме клуб системе.
