Изи Какшан эҥерыште Йошкар-Олам вӱдшӧр деч аралыме пашам шуктат

Изи Какшан эҥерыште Йошкар-Олам вӱдшӧр деч аралыме пашам шуктат
           Изи Какшан эҥерыште Йошкар-Олам вӱдшӧр деч аралыме пашам шуктат. Эҥерын вӱдкорныжым вияшемден келгемдат. Паша плотина деч ола йыргорнысо кӱвар марте ужашыште шукталтеш. Пӱртӱс поянлык министерствыште палемыдме почеш проект кугу вӱд олалан эҥгекым ынже ыште манын шыҥдаралтеш, тудо серым пеҥгыдемдаш да вӱд шарлыме деч аралаш полша. Кодшо ийын ик меҥге утла кужытышто  вӱд корным эрыктыме. Телым 337 метр кужытан у каналым кӱнчымӧ. Кол мӧртньым кышкыме пагыт эртымеке, пашам уэш тӱналме. 300 метр кужытышто вӱд пундашым келгемдыме. Пашам писештарен колташ манын ешартыш земснаряд ден ийше экскаватор кучылталтеш.
         Фото: Пӱртӱс поянлык министерстве.

Прошлые выпуски